Bağdar Pro
«Бағыт бер, болашақ құр!»
Мақсаты
Қазақстандағы кәсіби бағдар берушілердің жұмысын жүйелеу және нақты нәтижеге бағытталған құралдармен қамтамасыз ету.
Қандай мәселе бар?
Бүгінде көптеген мектептер мен білім беру ұйымдарында кәсіби бағдар беру жұмысы жүйесіз, эпизодтық деңгейде жүргізіледі. Мұғалімдер мен кураторлардың көпшілігіне нақты әдістемелік база мен заманауи құралдар жетіспейді. Соның салдарынан оқушылар мамандық таңдауда қиналады. Ал, кәсіби бағдар берушілер өз жұмысын нәтижелі жоспарлай алмайды.
Мысалы, бір мектепте жыл сайын өткізілетін «Мамандықтар жәрмеңкесі» тек бір күнмен шектеліп, оқушыларға ұзақ мерзімді әсер қалдырмайды. Ал, шын мәнінде кәсіби бағдар — бұл жүйелі процесс болуға тиіс.
Бұл шара не үшін маңызды
«Bağdar Pro» бағдарламасы кәсіби бағдар берушілерге арналған интенсив курс арқылы олардың жұмысын жаңа деңгейге көтереді.
Бұл бағдарлама – тек оқыту емес, жүйелеу мен құралмен қамтамасыз ету алаңы.
- Кәсіби бағдар беру жұмысын нақты жүйеге келтіреді;
- Мұғалімдер, тәлімгерлер, психологтар мен серіктес ұйымдарды бір ортада тоғыстырады;
- Бір реттік әсер емес, жылдық үздіксіз даму моделін ұсынады.
Көрініс пен мақсаттар
Көрініс:
Қазақстан мектептерінде кәсіби бағдар беру жұмысы жүйеленген, нәтижеге бағытталған және заманауи құралдарға сүйенген жүйеге айналады.
Мақсаттар:
- 50 кәсіби бағдар берушіні жыл бойы дамыту;
- 50 мектепке кәсіби бағдар беру жүйесін енгізу;
- Оқушылар мен ата-аналар арасындағы кәсіби диалог мәдениетін қалыптастыру.
Кезеңдер мен ілгерілеу
- Дайындық кезеңі (қыркүйек–қазан): қатысушыларды тіркеу, материалдарды дайындау, серіктестермен келісімге отыру.
- Алғашқы кезең (4–6 қараша): офлайн интенсив курс, практикалық сессиялар, шеберлік сабақтар.
- Кейінгі кезең: Қаңтар, наурыз, маусым
Қатысушылар тәжірибесі
📅 Өткізу уақыты: 4–6 қараша
📍 Өтетін орны: Астана қаласы
🎓 Формат: Офлайн интенсив курс
📜 Сертификат беріледі
Қатысушылар:
- Мектеп психологтары, сынып жетекшілері, кәсіби бағдар берушілер
- Жалпы саны: 45 адам
Модуль мазмұны:
- Кәсіби бағдар беру бағытында ата-анамен тиімді жұмыс жүргізу;
- Оқушымен жеке және топтық жұмыстың жүйесін қалыптастыру;
- Міндеттерді дұрыс бөліп беру және команда құру;
- ЖОО мен компаниялармен тиімді серіктестік орнату;
- Кәсіби бағдар беруге арналған құралдар мен технологиялар;
- Күнделікті процестерді тиімді жоспарлау;
Әсері
Қатысушыларға:
- Жүйелі жұмыс моделі мен құралдар жиынтығын меңгеру;
- Өз жұмысында нақты нәтижеге жету жолын түсіну;
- Тәжірибе алмасу мен кәсіби желі құру;
Қоғамға:
- Мектептерде кәсіби бағдар беру мәдениетінің қалыптасуы;
- Болашақ мамандардың саналы таңдау жасау деңгейінің артуы;
💬 “Әрбір қатысушы өз мектебіне нақты жүйемен оралады – бұл бағдарлама болашаққа бағыт береді.”
Топ пен серіктестер
Жетекші ұйым: Qundylyq.kz
Ұйымдастырушылар: Bağdar Pro командасы
Серіктестер: Өңірлік білім басқармалары, ЖОО, компаниялар
Қатысушылар пікірі:
«Мұндай тәжірибелік бағдарлама кәсіби бағдар беруді жаңа деңгейге шығарады. Әрбір сессия – нақты құрал мен шабыт береді!»