Қарабек Аяжан
Білімге ұмтылған жолым: АҚШ-тағы оқу және жетістіктер
Менің атым Қарабек Аяжан, 19 жастамын. Қазіргі таңда, Хьюстон қаласындағы Райс университетінде компьютерлік ғылымдар мамандығы бойынша бірінші курс студентімін. Спектрум Халықаралық мектебінің 2025 жылға түлегімін.
Арманға алғашқы қадамдар: RSI бағдарламасынан MIT Media Lab-қа
2024 жылы мен RSI бағдарламасы аясында MIT Media Lab зерттеу жобасында жұмыс істедім. Бұл менің өмірімдегі ең үлкен ғылыми тәжірибелерімнің бірі болды. Сонымен қатар, мен Rise Global Winner, New York Academy of Science, және Junior Academy Water Sustainability Challenge байқауының жеңімпазы болдым. Бұл жетістіктер маған білім мен ғылым саласында үлкен мотивация берді.
Арманымның жолы: АҚШ-та білім алу
Кішкентай кезімнен бастап, АҚШ-та білім алу менің арманым болатын. Карантин кезінде түрлі онлайн курстарға қатысып, білім алу процесін түсіне бастадым. Жобалармен жұмыс істей отырып, жаңа дағдыларды меңгердім. Бір жарыстан келесі бағдарламаларға қатысу, жаңа ортаға бейімделіп, түрлі жаңа нәрселерді үйрену менің оқуға деген мотивациямды арттырды. Әрбір жаңа мүмкіндік мен үшін үлкен тәжірибе мен даму болды.
Білім жолымның маңыздылығы
Менің осы жолымда RSI бағдарламасы ерекше орын алады. Бұл бағдарлама маған тек ғылыми зерттеулер жүргізуді үйретіп қана қоймай, сонымен қатар өзімді халықаралық деңгейде танытуға мүмкіндік берді. Әрбір жаңа бағдарлама мен жаңа орта мені алға жетелеп, әлемдік деңгейде білім алу мүмкіндігіне бір қадам жақындатады.
Қарабек Аяжан
Rice University, Хьюстон, АҚШ